အီ​ရတ်​​ ကား​ဗုံး​​ ပေါက်​ကွဲ​မှု​များ​​ အ​တွင်း​​ ​ ​၅၃​ ဦး​ ထက်​မ​နည်း ​သေ​ဆုံး

alt

အီ​ရတ်​နိုင်ငံ​တ​ဝှမ်း​တွင်​ ဩ​ဂုတ်​လ​ ​၂၅​ ​ရက်​နေ့​​ ​တစ်​နေ့​တည်း​တွင်​ ​ဗုံး​ပေါက်​ကွဲ​မှု​များ​​ ​ဖြစ်​ပွား​ခဲ့​ရာ​ ​လူ​​ ​၅၃​ ဦး​ထက်​မ​နည်း​ ​သေ​ဆုံး​သွား​ကြောင်း​​ ​သိ​ရ​သည်​။​ ​

ဘ​ဂ္ဂ​ဒက်​မြို့​တော်​​ ​အ​ပါ​အ​ဝင်​ ​နိုင်ငံ​၏​​ ​မြို့​အ​ချို့​တွင်​ ​ဗုံး​ပေါက်​ကွဲ​မှု​​ ​အ​နည်း​ဆုံး​ ​၅​ ​ကြိမ်​မျှ​​ ​ဖြစ်​ပွား​ခဲ့​ပြီး​ ​အ​ဓိ​က​အား​ဖြင့်​​ ​ဒေ​သ​ခံ​ ​ရဲ​ဌာ​န​များ​ကို​ ဦး​တည်​တိုက်​ခိုက်​ခဲ့​ခြင်း​ဖြစ်​သည်​။​​ ​ဘ​ဂ္ဂ​ဒက်​ ​ရဲ​စ​ခန်းတစ်​ခု​တွင်​​ ​ကား​ဗုံး​တစ်​လုံး​ ​ပေါက်​ကွဲ​ရာ​​ ​ရဲ​တပ်​ဖွဲ့​ဝင်​ ​အ​များ​စု​​ ​ပါ​ဝင်​သော​ ​လူ​ ​၁၅​ ဦး​ ​သေ​ဆုံး​ခဲ့​သည်​။​​ ​အ​ဆိုး​ဆုံး​မှာ​ ​ကွတ်​မြို့​တွင်​​ ​ဖြစ်​ပွား​သည့်​ ​ဗုံး​ခွဲ​မှု​ဖြစ်​ပြီး​​ ​ရဲ​ ​၁၅​ ဦး​နှင့်​ ​အ​ရပ်​သား​​ ​၅​ ဦး​တို့​ ​သေ​ဆုံး​ခဲ့​သည်​။

​ကြက်​ခြေ​နီ​ ​တပ်​ဖွဲ့​က​​ ​ဗုံး​ကွဲ​မှု​များ​အ​တွင်း​​ ​ဒဏ်​ရာ​ရ​ရှိ​သူ​ ​၂၅၀​​ ​ကျော်​ရှိ​ကြောင်း​ ​ပြော​ကြား​ခဲ့​သည်​။​​ ​ယ​ခု​ဗုံး​ကွဲ​မှု​များ​သည်​​ ​အီ​ရတ်​တွင်​ ​အ​မေ​ရိ​ကန်​တပ်​ဖွဲ့​များ​​ ​စစ်​ဆင်​ရေး​ ​ဆောင်​ရွက်​မှု​​ ​အ​ပြီး​သတ်​မည့်​ ဩ​ဂုတ်​​ ​၃၁​ ​ရက်​နေ့​ ​မ​တိုင်​မီ​​ ​ရက်​ပိုင်း​အ​လို​တွင်​​ ​ပေါ်​ပေါက်​ခဲ့​ခြင်း​ဖြစ်​သည်​။​​ ​အီ​ရတ်​အ​စိုး​ရ​က​ ​ယ​ခု​ကိ​စ္စ​၏​​ ​နောက်​ကွယ်​တွင်​ ​အယ်​ကေး​ဒါး​နှင့်​​ ​အ​ကြမ်း​ဖက်​ ​အ​ဖွဲ့​များ​​ ​ပါ​ဝင်​ပတ်​သက်​နေ​သည်​ဟု​​ ​စွပ်​စွဲ​ခဲ့​သည်​။

​ ​အ​မေ​ရိ​ကန်​အ​စိုး​ရ​သည်​​ ​ဆာ​ဒမ်​ဟူ​စိန်​ ​အ​စိုး​ရ​အား​​ ​ဖြုတ်​ချ​ရန်​ ​ဆင်​နွှဲ​ခဲ့​သည့်​​ ​အီ​ရတ်​စစ်​ပွဲ​ကို​ ဩ​ဂုတ်​လ​ကုန်​တွင်​​ ​အ​ပြီး​သတ်​မည်​ဟု​ ​အ​တည်​ပြု​ထား​သော်​လည်း​​ ​အီ​ရတ်​အ​စိုး​ရ​ကို​​ ​ကူ​ညီ​ရန်​နှင့်​ ​အ​မေ​ရိ​ကန်​​ ​စီး​ပွား​ရေး​ ​လုပ်ငန်း​များ​ကို​​ ​ကာ​ကွယ်​ရန်​ ​စစ်​သည်​​ ​၅၀၀၀၀​ ​နီး​ပါး​ကို​​ ​အီ​ရတ်​တွင်​ ​ဆက်​လက်​ထား​ရှိ​ကြောင်း​​ ​သိ​ရ​သည်​။​

LEAVE A REPLY

Please enter your comment!
Please enter your name here