ဘာသာပေါင်း​ ၁၉​ ခုအတွက် ကွန်ပျူတာ​ ဘာသာပြန်​ စနစ်ဖြင့် သင်ကြားသည့် ပထမဆုံး​ စာသင်ကျောင်း

alt

ဗြိတိန်​ နိုင်ငံမှ ကျောင်း​ တစ်ကျောင်းသည် ဘာသာပေါင်း (၁၉)​ ခု​ အတွက် ကွန်ပျူတာ ဘာသာပြန် Software​ ဖြင့် သင်ကြား​ ပို့ချသည့် ပထမဆုံး​ ကျောင်း ဖြစ်လာကြောင်း သိရသည်။

ဘာမင်ဂမ်ရှိ Manor Park မူလတန်း​ ကျောင်းသည် တိုင်းရင်းသား​​ ဘာသာ အမျိုးပေါင်း (၃၀)​ မျှထိ ကွဲပြားစွာ ပြောဆိုနေသော ကျောင်းသားလေးများ​ အတွက် ယခု​ စနစ်ကို အသုံးပြု​ ပေးလိုက်ခြင်း​ ဖြစ်သည်။ ယင်းကျောင်းတွင် ကျောင်းသား (၃၈၂)​ ဦးရှိရာ (၆၀)​ ရာခိုင်နှုန်းခန့်သည် အင်္ဂလိပ်စကား ပြောတတ်ကြသည်။ ကျန်(၄၀)ရာခိုင်နှုန်းမှာ ဘာသာစကား အမျိုးအစား (၃၀)ကို ပြောဆို​ လျက်ရှိရာ (၁၉)​ မျိုး​ အတွက် ဘာသာပြန် Software​ ဖြင့် သင်ကြားပေးနေသည်။ ကျန်​ (၁၁)​ ရာခိုင်နှုန်းမှာမူ အင်္ဂလိပ် ဘာသာဖြင့်သာ သင်ယူ​ ရမည်ဟု သိရသည်။

Talking Tutor​ အမည်ရှိ အဆိုပါ Softwareသည် ကမ္ဘာပေါ်ရှိ ဘာသာစကား (၂၅)​ မျိုးကို ဘာသာပြန်ဆို​ နိုင်ပြီး ပိုလန်၊ အူရဒူ၊ ပါကစ္စတန်နှင့် တရုတ်​ စကားများကို အသံထွက်ပြ​ နိုင်သည်။ ထို့အပြင်​ အခြားသော ဘာသာစကား အမျိုး​ (၂၀၀)​ ခန့်ကို Screen​ ပေါ်တွင် ဘာသာပြန် ဖော်ပြနိုင်သည်။ ကျောင်းအုပ်ကြီး ဂျေဆန်စမစ်က ယခု​ Software​ ကြောင့် သင်ကြားရေး ဝန်ထမ်းများ​ အနေနှင့် ကလေးများနှင့် ပိုမိုထဲထဲဝင်ဝင် ဆက်သွယ်​ နိုင်ကြောင်း ပြောကြားသွားသည်။ ယင်းကျောင်းသည် Screen​ ပေါ်တွင် ဆရာ၊ ဆရာမ​ ပုံများပေါ်ကာ ကျောင်းသားများအား ဆက်သွယ်​ သင်ကြားပေးသည့် အဆိုပါ Software​ အတွက် တစ်နှစ်လျင် ပေါင်စတာလင် (၇၀၀)​ ထိ ပေးရကြောင်းလည်းဆိုသည်။ ဗြိတိန်ရှိ မူလတန်းကျောင်းသား (၆)​ ဦး​ တိုင်းတွင် (၁)​ ဦးသည် နေအိမ်တွင် အင်္ဂလိပ်​ ဘာသာ မဟုတ်သော စကားကို ပြောဆိုကြောင်းလည်း သိရှိရသည်။

LEAVE A REPLY

Please enter your comment!
Please enter your name here