Google ဘာသာပြန် စံနစ် ဖုန်းများတွင် အသုံးပြုနိုင်ရန် တီထွင်

alt

ဘာသာစကား အခက်အခဲကြောင့် ဆက်သွယ် ပြောဆိုမှု ကဏ္ဍတွင် အခက်အခဲများ ကြံုရနိုင်သည့် အခြေ အနေကို Google က အကောင်းဆုံး ဖြေရှင်းနိုင်ရန် စီစဉ်နေပြီ ဖြစ်သည်။

Google သည် ဘာသာပြန် အဖြစ် ဆောင်ရွက် နိုင်သည့် မိုဘိုင်းဖုန်း တမျိုးကို တီထွင်နေပြီ ဖြစ်ကြောင်း သိရှိရသည်။ ယင်းဖုန်းသည် တ ဖက်မှ မိမိ နားမလည်သည့် ဘာသာစကားဖြင့် ပြောကြားလိုက်မှုကို ကြားခံ အနေနှင့် ဘာသာပြန်ပြီး အချိန်နှင့် တပြေးညီ မိမိ နားလည်မည့် ဘာသာစကားဖြင့် အသံထွက် လာ ရန် စီစဉ်ထားသည်။

Google ၏ ဘာသာပြန် ဝန်ဆောင်မှုဌာန အကြီးအကဲ ဖရန့်အော့က ဖုန်းကို အသုံးပြုပြီး Speech – to – Speech ဘာသာပြန်မှုကို ချောမွေ့စွာ ပြုလုပ်နိုင်မည်ဟု ယုံကြည် ထားကြောင်း၊ နည်းပညာသစ် မိုဘိုင်းဖုန်းကို မကြာမီ နှစ်ပိုင်းအတွင်း ဈေးကွက်တွင် ရောင်းချ သွားနိုင်မည်ဟု မျှော်လင့်ကြောင်း ပြောကြားခဲ့ သည်။

Google သည် ယခင်ကတည်းက ဘာသာပြန် Software အချို့ကို ထောက်ပံ့ ပေးခဲ့ပြီး Glbblede gook ကဲ့သို့ အမြဲတစေ Update လုပ်ပေးနေသည့် ဘာသာစကား Database ကိုလည်း တည်ထောင် ပေးထားသည်။ Google က ကမ္ဘာပေါ်ရှိ ဘာသာစကား (၆၀၀၀)ကျော် အနက် (၅၂) မျိုးခန့်ကို တိုက် ရိုက် ဘာသာပြန် ပေးသွား နိုင်ရန် မျှော်လင့်ထားသည်။

သို့သော်လည်း စကားသံကို တိုက်ရိုက် ဘာသာပြန်သည့် စံနစ်မှာ Text ဖြင့် စာရိုက်ခြင်းကို ဘာသာပြန် ပေးခြင်းထက် အရာရာတွင် ပိုမိုခက်ခဲကြောင်း Google က ဝန်ခံထား သည်။ Google သည် ယခု စီမံကိန်းအတွက် ဘာသာစကား အတော်များများ၏ နည်းစံနစ်နှင့် တည်ဆောက်ပုံများကို လေ့လာ သင်ယူမှုများ ပြုလုပ်နေကြောင်း သိရှိရသည်။

LEAVE A REPLY

Please enter your comment!
Please enter your name here