အလ္လာ ဆိုသည့် ဝေါဟာရအား မလေးရှား နိုင်ငံတွင် အခြား ဘာသာဝင် များလည်း သုံးစွဲခွင့်ပြု

alt

မလေးရှား တရားရုံးတခုက အစိုးရ အနေနှင့် အလ္လာဆိုသော ဝေါဟာရ အား အစ္စလာမ်ဘာသာဝင် မဟုတ်သူ အသုံးပြု ခွင့်မရှိဟု ပြဌာန်းထားမှုအား ရုတ်သိမ်း ပယ်ချ လိုက်ကြောင်းသိရှိ ရသည်။

ကွာလာလမ်ပူ တရားရုံးချုပ်က ပြည်ထဲရေး ၀န်ကြီးဌာနက ပြဌာန်း ထားသည့် အလ္လာ ဆိုသည့် စကားလုံး အား အစ္စလာမ် မဟုတ်သူများ မသုံးစွဲရ ဥပဒေသည် တရားမဝင်၊ ဆီလျော်မှု မရှိကြောင်း ဒီဇင်ဘာ (၃၁)ရက် နေ့က ဆုံးဖြတ် လိုက်သည်။

ထို့ကြောင့် မလေးရှားရှိ ရိုမန်ကက်သလစ် ခရစ်ယာန် ဘာသာဝင် များသည်လည်း ယင်းစကားလုံးကို ယူငင် သုံးစွဲနိုင်တော့မည် ဖြစ်သည်။ ယင်းကိစ္စနှင့် ပတ်သက်ပြီး အငြင်းပွားမှုသည် ဂျူးဘာသာရေး Review တခုအတွက် အလ္လာဆိုသော အသုံးအနှုန်းကို ယူငင် သုံးစွဲရာမှ ဖြစ်ပေါ်ခဲ့ပြီး ထိုအချိန် အစိုးရက အစ္စလာမ် မဟုတ်သူများ သုံးစွဲခွင့်ကို ဆိုင်းငံ့ ထားလိုက်သည်။

သို့သော်လည်း မလေးရှားတွင် ခရစ်ယာန် ဘာသာဝင်များဖြစ်သည့် ဆာဘား နှင့် ဆာရာဝက် တိုင်းရင်းသားများလည်း ထိုစကားကို သုံးစွဲလေ့ရှိရာ အစိုးရ၏ ပိတ်ပင်မှုအား မကျေနပ်မှုများ ဖြစ်ပေါ် လာခဲ့သည်။ ထို့အတူ နိုင်ငံအတွင်းရှိ ခရစ်ယာန် ဘုရားကျောင်း များကလည်း ပိတ်ပင်မှုကို ဆန့်ကျင်ပြီး ဘာသာရေး လွတ်လပ်ခွင့်ကို ထိပါးခြင်းသာ ဖြစ်ကြောင်း စွပ်စွဲခဲ့သည်။

ယခုအခါ တရားရုံးက ထိုပိတ်ပင်မှုကို ပယ်ချလိုက်သလို မွတ်ဆလင် မဟုတ်သူများ အလ္လာဟု ပြောဆို သုံးနှုန်းခြင်းသည် လုံခြံုမှုကို ထိပါးစေသည်ဟု မယူဆကြောင်း အတည်ပြု လိုက်သည်။ တရားရုံး ကြေညာချက်နှင့် ပတ်သက်ပြီး ကျေနပ်ကြောင်း ပြည်ထဲရေး ၀န်ကြီးဌာနအား တရားပြိုင်ခဲ့သည့် Catholic weekly မှ အယ်ဒီတာ လောရင့်အင်ဒရူး က ပြောကြားခဲ့သည်။

ပြည်ထဲရေး ၀န်ကြီး ဟစ်ရှာမူဒင် ဟူစိန် ကမူ အစိုးရသည် တရားရုံး ဆုံးဖြတ်ချက် အတွက် အယူခံ ၀င်သွားမည်ဟု ပြောကြားထားသည်။ မလေးရှား ဘာသာစကားအရ ခရစ်ယာန် ဘာသာဝင် များသည်လည်း ထာဝရ ဘုရားသခင်ကို အလ္လာဟုပင် ခေါ်ဝေါ် သုံးစွဲကြောင်း သိရှိရသည်။

LEAVE A REPLY

Please enter your comment!
Please enter your name here