အမေရိကန်- မြန်မာဆက်ဆံရေး နည်းလမ်းသစ် အပေါ် ဟီလာရီကလင်တန် နှင့် အင်တာဗျူး

alt

စက်တင်ဘာ (၂၃) ရက်နေ့က ကုလသမဂ္ဂ ညီလာခံတွင် အမေရိကန် အစိုးရသည် မြန်မာ စစ်အာဏာပိုင် များနှင့် ညှိနှိုင်း ဆွေးနွေးရေး လမ်းစဉ်ကို ကျင့်သုံးမည်ဟု အမေရိကန် နိုင်ငံခြားရေး ၀န်ကြီး ဟီလာရီ ကလင်တန် က

ပြောကြား သွားခဲ့ပြီး နောက် သတင်းထောက် များက မေးမြန်း ခဲ့သော မေးခွန်း အချို့နှင့် ဟီလာရီက ပြန်လည် ဖြေကြားသော အဖြေအချို့ တို့အား ဖော်ပြ အပ်ပါသည်။

၀န်ကြီး မစ္စ ကလင်တန် ခင်ဗျား။     ။ မြန်မာနိုင်ငံကို ပိတ်ဆို့ရေး လုပ်ငန်းတွေ တိုးမြှင့်သွားဖို့ ကိစ္စကိုရော ဆွေးနွေး ပေးစေချင်ပါတယ်။ နောက်ပြီးတော့ အမေရိကန်ရဲ့ မြန်မာနိုင်ငံဆိုင်ရာ မူဝါဒမှာ တရုတ် နဲ့ ရုရှားနိုင်ငံတွေ ပူးပေါင်း ပါ၀င်လာဖို့ လိုအပ်တယ်လို့ရော ၀န်ကြီးအနေနဲ့ ထင်ပါသလား?။ နောက်ပြီးတော့ ပိတ်ဆို့ရေးနဲ့ ညှိနှိုင်းရေး ဗျူဟာနှစ်ခုလုံးကို ကျင့်သုံးမယ်ဆိုရင် ကောင်းမွန်တဲ့ ရလဒ် ထွက်လာ နိုင်ပါ့မလား?။

ကောင်းပါပြီ။ ကျွန်မတို့ဟာ နိုင်ငံတိုင်းရဲ့ အရေးကို ကုလသမဂ္ဂရဲ့ ညှိနှိုင်းဆွေးနွေးပြီး သဘောတူညီချက် အတိုင်း လုပ်နေကြတာပါ။ အဲဒီထက် ပိုပြီးတော့ ဘာမှလုပ်ပိုင်ခွင့် အမေရိကန်မှာ မရှိပါဘူး။ ကျွန်မတို့တွေ မြန်မာနိုင်ငံနဲ့ ပတ်သက်ပြီး အဖြေတခု ရဖို့ဆိုတာ အရမ်းကို အာရုံစိုက်ရမယ့် အဆင့်တခုမှာ ရှိနေပါတယ်။ ရလဒ်ကောင်း တခု တိတိကျကျ မထွက်လာ သေးဘဲနဲ့ ပိတ်ဆို့ရေး မူဝါဒကို စွန့်လွှတ်လိုက်ဖို့ အဆင်သင့် မဖြစ်သေးပါဘူး။ ဒါကြောင့် နည်းလမ်း နှစ်မျိုးလုံးနဲ့ ချဉ်းကပ်သွားမယ့် မူဝါဒကို ကျွန်မတို့ လက်ကိုင် ထားမှာပါ။

အောက်တိုဘာ (၁)ရက် နေ့မှာ ထပ်လုပ်မယ့် ဆွေးနွေးပွဲမှာ ဘယ်လိုမျိုး ထပ်ဆုံးဖြတ်နိုင်မလဲ စောင့်ကြည့် စေချင်ပါတယ်။ မြန်မာအစိုးရ အာဏာပိုင် အဖွဲ့တွေနဲ့ ဘယ်လို ညှိနှိုင်းမှုမျိုးတွေ လုပ်သွားဖို့ ပြင်ဆင်ထားပါ သလဲ။ ညှိနှိုင်းရေး နည်းလမ်းကို ပိုပြီး အာရုံစိုက်မယ် ဆိုတာ ကျွန်မ ပြောထားပြီး သားပါ။ ဒါပေမယ့် မြန်မာ့အရေးနဲ့ ပတ်သက်ပြီး ကျွန်မတို့ရဲ့ Partner တွေဖြစ်တဲ့ Friends of Burma အဖွဲ့ရဲ့ အစီရင်ခံစာတွေကို သေချာ လေ့လာ ချင်ပါသေးတယ်။

နောက်ပြီးတော့ အမေရိကန် အစိုးရဟာ အကောင်းဆုံး နည်းလမ်းကို ရွေးချယ်နိုင်မယ်လို့ ယုံကြည်ပါတယ်။ လောလောဆယ်တော့ ပိတ်ဆို့မှုတွေကို ဖျက်သိမ်းမှာ မဟုတ်သေးသလို ညှိနှိုင်းရေး လမ်းစဉ်အတွက် ကြိုးစား အဖြေရှာ သွားမှာပါ။ ဒါကြောင့် တချို့မြန်မာ ခေါင်းဆောင်တွေကို ကျွန်မတို့ နိုင်ငံက ပြည်ဝင်ခွင့် မပေးတာမျိုးလို ပိတ်ဆို့မှုတွေဟာ ဆက်ရှိနေဦး မှာပါ။ ကျွန်မတို့ရဲ့ မူဝါဒနဲ့ ပတ်သက်ပြီး အမြဲတမ်း သုံးသပ်နေဆဲ ဆိုတာ ပြောပြချင်ပါတယ်။

၀န်ကြီး အနေနဲ့ အီရန်နဲ့ ဆွေးနွေးမှုတွေက ဆိုးကျိုးတွေကို ရှောင်လွှဲနိုင်မယ့် ဘယ်လို ရလဒ်တွေ ထွက်ပေါ်လာမယ်လို့ ယုံကြည်ပါသလဲ?။ ၀န်ကြီးဟာ အီရန်အရေးနဲ့ ပတ်သက်ပြီး ရပ်တည်ချက်ကို ရှင်းရှင်းလင်းလင်း သိချင်တယ်လို့ ပြောခဲ့ဖူးပါတယ်။ ၀န်ကြီး လိုချင်တာ ဘယ်လို အခြေအနေပါလဲ?။

ဟုတ်ကဲ့ပါ။ ကျွန်မဟာ အခု စကားပြောနေတာဟာ ကျွန်မ ကိုယ်တိုင်အတွက်ရော၊ ကျွန်မရဲ့ အစိုးရ အတွက်ပါ ကိုယ်စားပြုပါတယ်။ ကျွန်မတို့ဟာ အီရန်နိုင်ငံ အနေနဲ့ နျူကလီးယား ကဏ္ဍအတွက် စိတ်လိုလက်ရ ဆွေးနွေးချင်တယ် ဆိုတာမျိုးကို လိုချင်ပါတယ်။ ကျွန်မတို့ တကယ်တမ်း လိုအပ်နေတာ ကလည်း စားပွဲတလုံးမှာ မျက်နှာဆုံညီ ဆွေးနွေးဖို့ဆိုတာ ကျွန်မ ရှင်းရှင်းလင်းလင်း ပြောချင်ပါတယ်။

အခုဆိုရင် အီရန်ဟာ အလှည့်အပြောင်း လုပ်ရမယ့် အချိန်တခုကို တိတိကျကျ ရောက်နေပြီဆိုတာ သူတို့ကို သိစေချင်ပါတယ်။ သူတို့ ဘယ်လမ်းကို ဦးတည်မလဲဆိုတာ ကိုယ်တိုင် ရွေးချယ်ရမှာပါ။ သူတို့ဟာ နျူကလီးယားကို စွမ်းအင်အတွက် ငြိမ်းချမ်းစွာ အသုံးပြု ချင်တယ်လို့ တသမတ်တည်း ပြောနေတာပါ။ ဟုတ်ကဲ့။ ဒီအခွင့်အရေး သူတို့မှာ ရှိပါတယ်။ ဒါကို အမေရိကန် အပါအဝင် လူတိုင်းက လေးစား အသိအမှတ်ပြု ရမှာပါ။

ဒါပေမယ့် အဲဒီ ပြောစကားအတိုင်း လိုက်နာဖို့တော့ အီရန် အစိုးရမှာ တာဝန်ရှိပါတယ်။ နောက်တချက်က ကမာ္ဘတဝှမ်းလုံး အီရန်ရဲ့ နျူကလီးယား မြှင့်တင်ရေး စီမံကိန်းကို စိုးရိမ်နေတယ် ဆိုတာပါပဲ။ ဒါကြောင့် အီရန်ဟာ သူတို့ရဲ့ ရပ်တည်ချက်ကို နိုင်ငံတကာ အဖွဲ့အစည်းတွေနဲ့ ပွင့်ပွင့်လင်းလင်း ညှိနှိုင်းသင့်ပါတယ်။ သူတို့ရဲ့ နျူကလီးယား စီမံကိန်းဟာ တကယ်ပဲ ငြိမ်းချမ်းရေး ကဏ္ဍအတွက် ဆိုတာ နိုင်ငံတကာက အမြင်ရှင်းရှင်း လက်ခံဖို့ လိုပါတယ်။

ဒါကြောင့် IAEA (နိုင်ငံတကာ အနုမြူစွမ်းအင် အေဂျင်စီ) လို အဖွဲ့တွေကို ဖိတ်ခေါ်ပြီး အရာရာကို လေ့လာ စေချင်ပါတယ်။ ဒါမှ အီရန်ဟာ နျူကလီးယား စွမ်းအင်ကို ငြိမ်းငြိမ်းချမ်းချမ်း အသုံးချတော့မယ် ဆိုတာ တကမာ္ဘလုံး လက်ခံ ယုံကြည်လာမှာ ဖြစ်ပါတယ်။

LEAVE A REPLY

Please enter your comment!
Please enter your name here